Ռուբեն Կարոյան
Ես Ռուբենն եմ։ Ունեմ տեքստային կամ բանավոր բանակցությունների ավելի քան 23 տարվա փորձառություն։
Հոդվածներս հրապարակվում են տարբեր կայքերում՝ 2012 թվականից։ Ավելի քան 100 բանաստեղծության հեղինակ եմ, որոնք հրատարակվել են տարբեր ժողովածուներում և ասմունքում են տարբեր հարթակներում՝ սկսած դպրոցական միջոցառումներից մինչև պետական մակարդակի գրական երեկույթներ՝ Հայաստանում և սփյուռքում։
«Հայկական PR ասոցիացիայի» անդամ եմ, որպես PR մասնագետ։
2018 թ․ հիմնել եմ Copywriting Academy-ն, որը Հայաստանում քոփիռայթինգ ուսուցանոող առաջին ու դեռևս միակ հարթակն էր։ Հեղինակ եմ ավելի քան 80 անուն դասընթացի, որոնց մասնակցել են ավելի քան 10․000 հոգի, որոնց թվում՝ Ֆինանսական ակադեմիայի, ՀՊՏՀ-ի, ԵՊՀ-ի, Բրյուսովի անվան, Մանկավարժական և այլ բուհերի ուսանողներ, SMM մասնագետներ, մարքեթոլոգներ, վաճառքի մասնագետներ։ Նրանց մեծ մասը ստացել են նոր մասնագիտություն և աշխատանք են գտել քոփիռայթինգի և այլ ոլորտներում։
2020 թվականին իմ երազանքները սկսեցին իրականանալ։ Երազում էի օգտակար լինել իմ գործով հայ ազգին։ Իրականացրեցինք անվճար դասընթացներ զոհված զինվորների ընտանիքների անդամների համար։
2021 թվականին իրականացրեցինք անվճար դասընթացներ վերջին մեկ տարվա ընթացքում զորացրված զինվորների համար։ Հաջորդիվ՝ ֆիզիկական հաշմանդամություն ունեցող անձանց համար։
2022 թվականին գիտելիք փոխանցելու հերթը մարզերում և սահմանամերձ գյուղերում բնակվող տաղանդավոր և կրեատիվ երիտասարդներինն էր։
2022 թվականի գարնանը՝ մայիսի 5-ին, տեղի ունեցավ իմ առաջին գրքի՝ «Copywriting 5 օրում» շնորհանդեսը։ Սա հայալեզու առաջին ձեռնարկն է վաճառող տեքստերի և տեքստային բանակցությունների մասին։
2023 թվականից ցայսօր նկարահանում եմ տեսահոլովակներ (ավելի քան 1000 հոլովակ) բարոյախրատական, բանակցային և քոփիռայթինգի թեմաներով, որոնք ակտիվորեն տարածվում են համացանցում։
2025 թվականին հիմնել եմ «Բանակցությունների ակադեմիան», որը ևս Հայաստանում առաջինն էր այս ոլորտում։
Նույն թվականին տեղի ունեցավ երկրորդ՝ «Ճիշտ խոսքը գրպանումս» գրքիս շնորհանդեսը։ Գիրքը օգնում է հաղթահարել իրենց խնդիրները նրանց, ովքեր դարձել են հասարակության կողմից զոհ՝ տարբեր իրավիճակներում։
Մինչ օրս անցկացնում եմ դասընթացներ։ Իմ խորհրդատվություններին գրանցվում են տարբեր անձինք, որոնց սիրով օգտակար եմ լինում։
1․ Իմ գործը խաբված ու ճնշված մարդկանց հետ է, որոնց մանիպուլացրել և չարաշահել են տևական ժամանակ։
2․ Ինձ դիմում են, երբ պետք է միջանձնային խնդիրներին տալ վերջնակա՛ն լուծում։
3․ Բանակցային լուծումներ գտնում եմ այնտեղ, որում մյուսները հրաժարվում են թաթխվել նույնիսկ։
4․ Մեր 1-ժամյա խորհրդատվությունից հետո մասնակցին գրեթե անհնար է խաբել, մոլորեցնել, չարաշահել կամ մանիպուլացնել ողջ կյանքի ընթացքում։
5․ Խորհրդատվության գրանցվելու կամ իմ գրքերը պատվիրելու համար Դուք ճիշտ տեղում եք։
